రాంరళీయ షడ్వేదం- తృతీయ దివస పంచ ప్రసూనములు.
నారాయణ యను నామము
పోరా!చేయకుర యనిన ఫో,పొమ్మనుచున్
కోరి వదలించుకోవలె
మోరమతనిది గనరాదు మోహన మురళీ!(11)
సామాన్యులకును అనుభవ
మౌ,మాన్యత నిచ్చెడి పరమౌషధముర నీ
నామస్మరణంబెపుడును
మోమును చూపర ముకుంద మోహన మురళీ!(12)
ఏదేవుని యే తలతునొ
నాదిక్కనియా ముకుందునకె యర్పింతున్
నాది యనునదేదయి నను
మోదము తోడ ముకుంద మోహన మురళీ!!(13)
గతి నిర్దేశం బీవై
మతి మాలి గతి చెడెడి నను మలచగ నెపుడున్
అతిశీఘ్రముగను రావే!
ముతుక వయో వృద్ధుడైతి మోహన మురళీ!(14)
అవ్వలనివ్వల కావలి
నివ్వగ ఆద్యంతమందు నీవే నాకున్
దివ్వెవు కావలె ముద్దుల
మువ్వలధారీ ముకుంద మోహన మురళీ! (15)
